Instituto de Investigación en Física, Computación e Ciencia Aeroespacial
A creación do Instituto de Investigación en Física, Computación e Ciencia Aeroespacial (IFCAE) foi aprobada a finais do 2022 pola Universidade de Vigo. O instituto, con sede en Ourense e investigadores nos campus de Ourense e de Vigo, votou a andar a comezos do 2023.
O obxectivo do instituto é desenvolver as súas áreas de traballo, integrando capacidades para realizar investigación científica de vangarda, aportando valor á sociedade, apoiando a estratexia rexional de investigación e innovación e vertebrando a transferencia do valor desenvolto na institución académica ao mundo industrial e empresarial.
