Este martes presentouse no campus de Ourense unha nova cátedra da Universidade de Vigo: a Cátedra Indra en Sistemas Aéreos Autónomos. Esta cátedra nace co obxectivo de establecer unha colaboración continuada entre a empresa Indra Group e a UVigo en actividades relacionadas coa formación, divulgación, transferencia e fomento da I+D+i no campo da aviación non tripulada, sistemas de guiado, RPAS e sistemas de aeronaves non tripuladas. Trátase dunha actuación que se enmarca ademais na aposta da Xunta de Galicia e Indra, en colaboración coa UVigo e a través da iniciativa Civil UAV, “por consolidar Galicia como un polo de referencia en innovación, desenvolvemento tecnolóxico e talento vinculado ao ámbito aeroespacial e dos sistemas non tripulados”.

Na presentación participaron Carmen García Mateo, reitora da Universidade de Vigo; María Jesús Lorenzana, conselleira de Economía e Industria da Xunta de Galicia; José Luis Albo, responsable de Indra Group en Galicia; Nieves Lorenzo, directora da Escola de Enxeñaría Aeronáutica e do Espazo da Universidade de Vigo; e Fernando Veiga, profesor da UVigo director da cátedra. Na súa intervención, Carmen García Mateo destacou que esta iniciativa “representa moi ben o modelo de universidade que queremos: unha institución capaz de aproveitar as súas fortalezas, conectada co tecido empresarial e que transforma o coñecemento en oportunidades reais para a sociedade”. Neste sentido, puxo en valor “o traballo que se está desenvolvendo desde Ourense, onde contamos cunha Escola de Enxeñaría Aeronáutica e do Espazo que conseguiu consolidar unha oferta formativa de grande atractivo e desenvolver capacidades docentes e investigadoras nun sector de enorme proxección”.

Ler a nova completa no DUVI

O Ifcae, o Instituto de Investigación en Física, Computación e Ciencia Aeroespacial da Universidade de Vigo, remata o ano abrindo unha nova etapa baixo a dirección do catedrático Higinio González. Co seu nomeamento releva no cargo ao tamén catedrático Ángel Paredes, que ocupou o posto desde a posta en marcha no ano 2023 deste centro, que ten a súa sede no campus de Ourense.

Desde o seu nacemento, o instituto traballa coa visión de “contribuír á innovación en física aplicada e en diferentes aspectos do sector aeroespacial, potenciando as sinerxías entre ambos campos mediante a investigación de excelencia e unha eficiente transferencia de resultados de investigación de forma responsable, recoñecida, multidisciplinar, competitiva e comprometida para impulsar o desenvolvemento territorial social e empresarial da contorna”.

Neste marco de traballo, o seu novo director sinala que asume a dirección coa motivación principal de acadar que o Ifcae “actúe como instituto de investigación de referencia para a Escola de Enxeñaría Aeronáutica e do Espazo e a Escola Superior de Enxeñaría Informática do campus de Ourense, en sinerxía co Instituto de Agroecoloxía e Alimentación e co Campus Auga, contribuíndo ao desenvolvemento científico e tecnolóxico da nosa contorna xeográfica”.

Ler a nova completa no DUVI.

El profesor Humberto Michinel en calidad de Secretario General de la International Commission for Optics (ICO) entrega la ICO-IUPAP Early Carreer Scientist Medal in Optics a Bhavin Shastri de la Queen’s University de Canadá, durante el Congreso anual de la Sociedad Europea de Óptica, celebrado en Delft, Holanda, del 24 al 28 de agosto de 2025.

En moitas rexións do mundo coexisten distintas linguas e moitas veces unha delas evoluciona aumentando o seu uso a costa doutra ou doutras. Co obxectivo de contribuír a ter ferramentas científicas para abordar un tema desta complexidade, os investigadores das universidade de Vigo e La Rioja Iván Area e Marc Jornet veñen de desenvolver un modelo matemático que permite predicir a evolución de cada un dos idiomas nun sistema multilingüístico complexo. Tendo en conta os supostos cos que es probou o modelo, os seus autores afirman que “os resultados amosan que, coa ausencia de políticas lingüísticas acaídas, as linguas minorizadas desaparecen sempre”.

O seu traballo acaban de ser publicado nun artigo titulado A Mathematical Analysis for the Dynamics of Multiple Languages na principal revista da Sociedade Chinesa de Matemática Aplicada e Industrial, a CSIAM Transactions on Applied Mathematics. Iván Area é membro do Instituto de Física e Ciencias Aeroespaciais, do Departamento de Matemática Aplicada II e da Escola de Enxeñaría Aeronáutica e do Espazo da Universidade de Vigo e Marc Jornet pertence á Escuela Superior de Ingeniería y Tecnología da Universidad Internacional de La Rioja. A colaboración destes dous matemáticos neste proxecto, sinalan, xorde do interese de ambos sobre cuestións lingüísticas propias dos seus respectivos territorios, Valencia e Galicia, e “coa idea de analizar modelos cunha ampla diversidade lingüística para ver o que podía pasar”.

Ler a nova completa no DUVI.